مۇشۇ ئاينىڭ 15-كۈنى ئاپتونوم رايونلۇق خەلق ھۆكۈمىتى ئىشخانىسى 2012-يىللىق چاغان يېتىپ كېلىش ھارپىسىدا ‹‹گوۋۇيۈەن ئىشخانىسىنىڭ 2012-يىلىدىكى قىسمەن ھېيت-بايراملاردىكى دەم ئېلىش كۈنلىرىنى ئورۇنلاشتۇرۇش ھەققىدىكى ئۇقتۇرۇشى››نىڭ تەلىپى بويىچە، ‹‹2012-يىللىق چاغانلىق دەم ئېلىش توغرىسىدىكى ئۇقتۇرۇش››نى تارقاتتى. ئۇقتۇرۇشتا چاغانلىق دەم ئېلىش كۈنلىرى تۆۋەندىكىدەك بېكىتىلدى:
    1-ئاينىڭ 23-كۈنى (دۈشەنبە) ئەنئەنىۋى بايرام ـــ چاغان. بۇ بايرامدا 1-ئاينىڭ 22-كۈنى (يەكشەنبە)دىن 28-كۈنى (شەنبە)گىچە جەمئىي يەتتە كۈن دەم ئېلىشقا قويۇپ بېرىلىدۇ. 1-ئاينىڭ 21-كۈنى (شەنبە) ۋە 29-كۈنى (يەكشەنبە) نۇرمال خىزمەت قىلىنىدۇ.
   ھەر قايسى جايلار ۋە تارماقلارنىڭ چاغان مەزگىلىدىكى نۆۋەتچىلىك خىزمىتىنى چىڭ تۇتۇپ، مەسئۇلىيەتنى ئەمەلىيلەشتۈرۈپ، خىزمەتلەرنىڭ نۇرمال ئېلىپ بېرىلىشىغا كاپالەتلىك قىلىشىنى ئۈمىد قىلىمىز.