ئاپتونوم رايون بۇ يىللىق ‹‹شەھۋانىيلىققا ۋە قانۇنسىزلىققا زەربە بېرىش››خىزمىتىنى ئورۇنلاشتۇردى
 

مۇخبىرىمىز لى شىڭ خەۋەر قىلىدۇ: 9 – يانۋار چاقىرىلغان مەملىكەتلىك 25 – قېتىملىق ‹‹شەھۋانىيلىققا ۋە قانۇنسىزلىققا زەربە بېرىش›› تېلېۋىزىيە – تېلېفون يىغىنىنىڭ شىنجاڭ شۆبە يىغىن مەيدانىدا، ئاپتونوم رايونلۇق شەھۋانىيلىققا ۋە قانۇنسىزلىققا زەربە بېرىش خىزمىتىگە رەھبەرلىك قىلىش گۇرۇپپىسى ئاپتونوم رايوننىڭ 2012 – يىللىق ‹‹شەھۋانىيلىققا ۋە قانۇنسىزلىققا زەربە بېرىش›› خىزمىتىنى ئورۇنلاشتۇردى.
ئاپتونوم رايونلۇق پارتكومنىڭ مۇئاۋىن باش كاتىپى جىڭ خەييەن ئاپتونوم رايونلۇق پارتكوم دائىمىي كومىتېتىنىڭ ئەزاسى، تەشۋىقات بۆلۈمىنىڭ باشلىقى خۇ ۋېينىڭ ھاۋالىسىگە ئاساسەن، ئاپتونوم رايوننىڭ ئەمەلىيىتىگە بىرلەشتۈرۈپ، بۇ يىللىق خىزمەتلەرنى بەش جەھەتتىن ئورۇنلاشتۇردى: بىرىنچى، سىياسى خاراكتېرلىك، دىن تۈرىدىكى قانۇنسىز نەشر بۇيۇملىرى ۋە ئەكسىيەتچىل تەشۋىقات بۇيۇملىرىنى تەكشۈرۈپ بىر تەرەپ قىلىش سالمىقىنى يەنىمۇ زورايتىش كېرەك؛ ئىككىنچى، نەشر بۇيۇملىرىنى باسىدىغان، كۆپەيتىدىغان كارخانىلارنى تۈپ نېگىزىدىن باشقۇرۇش سالمىقىنى ئاشۇرۇش كېرەك؛ ئۈچىنچى، نەشر بۇيۇملىرىنى توشۇش ھالقىسىدا تۈزەش سالمىقىنى ئاشۇرۇش كېرەك؛ ‹‹ئۈچ قانۇنسىز›› (قانۇنسىز ياسالغان، قانۇنسىز تارقىتىلغان، قانۇنسىز سېتىلغان) كىنو – تېلېۋىزىيە ئەسەرلىرى، نەشر بۇيۇملىرى ۋە ئۈچى يوق (يەنى ئىشلەپچىقارغان زاۋۇت ئىسمى، ئادرېسى، ئىشلەپچىقىرىش ئىجازەتنامىسى ۋە كودى يوق) ئېلېكتىرون مەھسۇلاتلار (ئاساسلىقى تور تېلېۋىزور تايىقى ۋە ئوقۇش قەلىمى)نى تەكشۈرۈپ بىر تەرەپ قىلىش سالمىقىنى ئاشۇرۇش كېرەك؛ بەشىنچى، ‹‹شەھۋانىيلىققا ۋە قانۇنسىزلىققا زەربە بېرىش››نىڭ ئۇزاق ئۈنۈملۈك مېخانىزمىنى ئورنىتىش ۋە مۇكەممەللەشتۈرۈش كېرەك.