يېڭىلا يېپىلغان ئۈرۈمچى شەھەرلىك پارتكومنىڭ 10-نۆۋەتلىك 3-ئومۇمىي يىغىنى (كېڭەيتىلگەن) دىن ئىگىلىنىشىچە، ئۈرۈمچى شەھىرىنىڭ مېترو (يەر ئاستى تۆمۈريولى) سىناق بۆلىكىدە 2012-يىلى قۇرۇلۇش باشلىنىدىكەن.
   ئۈرۈمچى شەھەرلىك قۇرۇلۇش كومىتېتىنىڭ مۇدىرى ما يىلېينىڭ ئاشكارىلىشىچە، ئومۇمىي ئۇزۇنلۇقى 211.9 كىلومېتىرلىق ئۈرۈمچى رېلىس قاتنىشى كەلگۈسى لىنىيە تورى جەمئىي يەتتە تال تارقىلىشسىمان لىنىيەدىن تەشكىللەنگەن بولۇپ، بۇ لىنىيەلەر ئاساسلىقى ئۈرۈمچى شەھىرىنىڭ شەھەر ئومۇمىي گەۋدە پىلانىنىڭ تەلىپى ۋە پۇقرالارنىڭ سەپەرگە چىقىشتىكى قاتناش ئېقىمى ئەھۋالىغا ئاساسەن لايىھەلەنگەن ئىكەن، پىلان بويىچە، يەنە سەككىز يىلدىن كېيىن، ئۈرۈمچى شەھىرى تەرەققىي قىلىپ، مەركىزىي شەھەر رايونىدا دائىمىي تۇرۇشلۇق نوپۇس 4 مىليونغا يېتىدىغان، قۇرۇلۇشقا ئىشلىتىلىدىغان يەر 500 كىۋادرات كىلومېتىر كېلىدىغان چوڭ شەھەرگە ئايلىنىدىكەن، تېز ھەم قولايلىق شەھەر ئىستېرېئولۇق قاتناش تورى قۇرۇلۇشى شەھەردىكى كىشىلەر ئېقىمى ۋە ئەشيا ئوبوروتى راۋانلىقىنىڭ مۇھىم كاپالىتى ھېسابلىنىدىكەن.